Јаник Синер е прв финалист на завршниот Мастерс кој се игра во Торино, и влезе во историјата како прв италијански тенисер на кој му успеало тоа.
Во финалето, Синер ќе се сретне со подобриот од вечерашното големо дерби помеѓу првите двајца на АТП листата, Новак Ѓоковиќ и Карлос Алкарас.
Синер во денешното полуфинале беше подобар од Данил Медведев со 6-3, 6-7, 6-1 и придонесе тенисот во медиумите на Апенинскиот полуостров да ги засени победите на италијанските фудбалери над Македонија и освоената пол-позиција во Формула 1 трката од страна на пилот на италијанскиот тим Ферари.
Инаку, Синер има 4-0 во Торино, единствен е без пораз, и ако го добие и финалето, ќе заработи нешто над 4,4 милиони евра. Што се однесува до редоследот на АТП листата, Синер ќе остане четврти, но сега ќе има помало заостанување зад третиот Медведев.
