По цели 33 години чекање, Наполи успеа да стигне до титулата во Серија А, што беше причина за големо славење кај навививачите на Наполитанците. Славењето на навивачите траеше со месеци, а оваа шампионска еуфорија ги зафати и мафијашките босови.
Меѓу нив беше и еден од најопасните бегалци во Италија, Виченцо ла Порта. Тој важи за криминалец близок на организираната криминална банда Камора а за него постоеше полициска потера цели 11 години.
Откако Наполи ја освои титулата, 60-годишниот бегалец бил забележан на фотографии како слави на островот Крф во Грција. Виченцо во Грција живеел безгрижно со своето семејство и работел како готвач. Сепак, кога решил да ја прослави титулата на Наполи, неговиот лик бил забележан и препознаен од италијанската полиција.
По повеќе од една деценија бегање, Виченцо ла Порта бил уапсен во петокот, и тоа додека возел веспа. Тој е осуден во Италија за злосторничко здружување. Сега се наоѓа во затвор на Крф и се чека негова испорака во Италија.
„Виченцо основаше ново семејство во Грција. Има деветгодишно дете и работи како готвач за да преживее. Он е срцев болесник. Ако биде испорачан во Италија, тој и неговото семејство ќе бидат целосно уништени“, рече адвокатот на Ла Порта.
