Здружението на италијански фудбалски тренери побара суспензија на Израел од сите меѓународни фудбалски натпреварувања поради војната во Газа. Ова Здружение упатило писмо до Фудбалската федерација на Италија со барање тој апел да се проследи до УЕФА и ФИФА.
„Ова не е само симболична акција, туку неопходен избор, одговор на морален императив што го дели целиот раководен тим на Здружението. Вредностите на човештвото, кои се основа на спортските вредности, нè принудуваат да се спротивставиме на актите на угнетување со ужасни последици. Можеме само да се фокусираме на играта, свртувајќи ги главите од теренот. Веруваме дека ова не е правилно. Има премногу невини смртни случаи. Меѓу нив има и многу спортисти. Ова е уште една причина да се бараат меѓународни контрамерки, вклучително и во нашиот сектор. Светот е во пламен. Многу луѓе, како Палестинците, страдаат. Индиферентноста е неприфатлива“, велат од Здружението.
Италија и Израел се во иста група од квалификациите за пласман на Светско првенство 2026 година. На 8 септември Израел во унгарски Дебрецин ќе биде домаќин на Италија, а на 14 октомври Италија ќе биде домаќин на Израел во квалификациите за Светско првенство 2026 година.
