Новата, осма по ред сезона на Спортската прогноза започна од вчера. На понудата се 13 пара, за кои главен предизвик е да се погодат фиксовите. Оној прогнозер кој ќе успее да ги погоди сите 13 фикса ќе си добие подарок мобилен телефон iPhone 16. Учеството во Спортската прогноза е бесплатно, потребно е само да имате СЛ Клуб картичка.
Уште на стартот има две големи дерби-пресметки. Манчестер сити е огромен фаворит во дуелот со градскиот ривал Манчестер јунајтед, барем според тоа што досега одиграле прогнозерите. Дури 75 отсто, односно три четвртини веруваат дека ќе биде „кец“ и дека бодовите ќе ги освои Сити, а едвај 12 отсто чекаат Црвените ѓаволи да слават.
Многу понеизвесно и поподелени се прогнозите за вечното италијанско дерби меѓу Јувентус и Интер. Во победа на Јувентус веруваа 22 отсто од прогнозерите, а за „двојка“ на Интер чекаат 25 отсто. Најголем дел од прогноерите, над 52 отсто мислат дека ќе заврши нерешено.
Покрај овие два меча, има уште 11 средби од Топ 5 лигите и останува да се одигра и да се види колку фиксови може да погодите.
Затоа не чекајте, прогнозирајте!
