Шпанскиот мотоциклист Карлес Фалкон е префрлен во болница во тешка здравствена состојба откако при пад ја повредил главата на 15 километри пред крајот на неделната етапа на релито Дакар кое се вози во Саудиска Арабија.
Според шпанска „Марка“, лекарските екипи кога пристигнале на местото на несреќата морале да го реанимираат Фалкон бидејќи мотоциклистот немал пулс. Откако успеале да го реанимираат, со хеликоптер го префрлиле Фалкон во болница во Ријад и го ставиле во индицурана кома.
Spain’s Carles Falcón suffered a heavy crash at km 448 today. Immediately helped by a fellow competitor, he received medical assistance shortly after and was resuscitated on the stage. He has now been placed in an induced coma. Sending him all good thoughts tonight.#Dakar2024 pic.twitter.com/xdVkpPIgHE
— DakarFlash (@FlashDakar) January 7, 2024
„На само 15 километри пред целта, Фалкон паднал и удрил со главата на патот. Кога пристигнале лекарските екипи, тој немал пулс. Се уште не знаеме дали има повреди на главата од падот или имал мозочен удар“, изјави директорот на релито Дакар, Дејвид Кастер.
