Откако актуелното раководство на Кошаркарската федерација на Македонија не се огласи по барањето за свикување Вонредно изборно собрание, Младен Ѓуровски поднесе официјална кандидатура за претседател поткрепена од 36 членки на Собранието со право на глас, што е големо мнозинство.
Собранието ќе се одржи на 30 април во Скопје.
Веќе станува јасно дека Перо Антиќ само уште две недели ќе биде на чело на Федерацијата, а потоа доаѓа Ѓуровски, кој во апликацијата најавил дека во неговиот тим на соработници, меѓу другите, ќе бидат и Петар Наумоски, Врбица Стефанов и Владо Илиевски.
