Навивачите на Арсенал се во исчекување во клубот да пристигне класичен голгетер, па шокантно делуваше најавата дека Топчиите ги договориле личните услови од Нони Мадуеке од Челзи.
Според англиските медиуми, Арсенал веќе е на пат да го доведе крилниот напаѓач на градскиот ривал. Сега следува потешкиот дел, а тоа е Арсенал да го договори трансферот на Мадуеке со челниците на Челзи.
Англискиот репрезентативец дојде на „Стемфорд бриџ“ пред две и пол години кога Челзи на ПСВ Ајндховен му плати 40 милиони евра. Трансферот во Челзи се покажа како винстински потег затоа што Мадуеке се промовираше во одличен играч. Одигра вкупно 90 натпревари, постигна 20 голови, а има и девет асистенции.
