Реал Мадрид се подготвува за утрешниот првенствен меч со Еибар, а на изненадување на сите, на денешниот тренинг со остатокот од екипата се појави и Еден Азар. Белгиецот имаше мускулна повреда за која се претпоставуваше дека ќе го оддалечи од теренот до мај, со евентуална операција на глуждот кој му прави проблем и е причина за повредите, тој и ќе го пропуштеше Европското првенство, но изгледа дека закрепнува побрзо од прогнозите.
Азар, кој немаше тренирано со тимот од 14 март, ангажирал физиотерапевт од Белгија и тој со специфични методи му помогнал. Ако нема некој проблем, Азар би можел да помогне во вторник против Ливерпул и потоа викендот против Барселона.
Добра вест за Реал е што тренираше и Тони Крос, кој не настапи за репрезентацијата во квалификациите. На листата на повредени се Рамос, Карвахал и Валверде. Од нив, најголеми шанси да заигра против Ливерпул има Уругваецот, а капитенот Рамос дефинитивно е во аут.
