Џорџ Расел од Мерцедес ја освои пол-позицијата и утрешната трка од Формула 1 шампионатот за големата награда на Канада ќе ја почне од првото место.
Расел до пол-позицијата стигна со одлично извозен последен круг од квалификациите во Монтреал. Тој и лани беше најбрз во квалификациите.
Втор е Макс Ферстапен, третиот Оскар Пјастри, и сето ова најавува интересна трка. Како ретко кога годинава ќе нема Мекларен во првиот ред, Ландо Норис беше дури седми.
