Репрезентациите на Израел и Швајцарија одиграа нерешено, 1-1, на неутрален терен во Унгарија и ќе ја продолжат борбата за пласман на Европското првенство во последните две кола.
Швајцарија во 36-тата минута поведе преку Рубен Варгас и само неколку минути ги делеа од сигурен пласман на завршницата на Европското првенство во Германија, но славењето им го одложи Шон Висман во 89-тата минута. Со овој погодок и Израел ги задржа своите шанси за настап на континенталниот собир во Германија, кој за нив би бил прв во историјата.
Репрезентацијата на Србија загуби минимално со 1-0 од Белгија во пријателски меч кој се одигра во Лувен. Единствениот погодок на натпреварот беше дело на Јаник Караско во втората минута. За Србија ова беше генерална проба пред одлучувачкиот натпревар за пласман на Европското првенство против Бугарија.
