Израелскиот фудбалер Манор Соломон, кој сезонава игра за тимот на Вилјареал и тоа како позајмен играч од англискиот Тотенхем, се најде во фокусот на вниманието на дуелот против Севилја. Вилјареал победи со 2:1 на гости кај Севилја, а Соломон беше во фокусот поради навредите кои ги трпеше од трибините.
Соломон на теренот влезе од клупата за резервни играчи во 84-тата минута, а навивачите на култниот стадион „Рамон Санчес-Писхуан“ бурно реагираа. Израелецот беше дочекан со свирежи, а дел од домашните навивачи почнаа дури и да скандираат „Израелци убијци“.
На Соломон очигледно не му пречеа овие навреди, па само две минути откако влезе на теренот, го постигна победничкиот гол за Вилјареал.
El hostil recibimiento de la afición del Sevilla FC a Manor Solomon, futbolista israelí del Villarreal, recibido con banderas de Palestina y cánticos contra Israel.@noticiasmira pic.twitter.com/DJziqeGMf6
— Daniel Saldaña (@Daniel_SM9) September 23, 2025
