Александер Болшунов и Иван Јакимушкин и донесоа огромна радост на Русија со злато и сребро на маратон во крос-кантри на Зимските олимписки игри во Пекинг, а бронзата му припадна на Симен Кругер од Норвешка.
Македонскиот олимпиец Ставре Јада го освои 56-то место во најчудниот маратон на Олимпијадите, бидејќи се трчаа 30 километри, наместо вообичаените 50, а причината е силниот ветер во Пекинг.
Болшунов потврди дека е неприкосновен во крос-кантри трчањето со петтиот медал во Пекинг, а сега освои ново злато со време 1:11:32,7 часа.
Јакимушкин е втор и сребрен во Пекинг со заостанување од 5,5 секунди. Апсолутен руски триумф спречи Кругер со освојување на бронзата пред четвртопласираниот руски олимпиец Артем Малцев.
Јада доцнеше за 14 минути и 9 секунди зад новиот олимписки шампион и зад себе остави тројца крос-кантри тркачи.
