Шпанија го доби најмладиот дебитант и стрелец во репрезентацијата, а Европа најмладиот стрелец во квалификациите, во името на 16-годишниот Ламин Јамал. Сепак, репрезентацијата на Сенегал имаше уште помлад дебитант со што го сруши африканскиот рекорд. Амара Диуф со 15 години и 94 дена дебитираше за Сенегал во квалификацискиот дуел против Руанда (1-1), со што стана најмладиот дебинат во историјата на својата земја и воопшто во Африка.
Тој летово настапи за репрезентацијата до 17 години на Африканскиот куп на нации и на шест средби постигна 5 погодоци, што беше препорака да добие повик и за сениорската репрезентација.
Диуф настапува за Генерејшн фут во Сенегал, а интерес за негов ангажман има од францускиот Мец.
