Се појави видео на кое Ламин Јамал облечен во марокански дрес ги „трола“ своите шпански другари откако Мароко ја елиминираше Шпанија на Светското првенство во 2022 година.
Мароко е земја од која е неговиот татко, па и Ламин беше во игра да заигра за Мароко. Снимката од декември 2022 е уште еден доказ дека постоела голема веројатност Јамал да го носи дресот на Мароко, но на крајот, сепак одлучи да ги брани боите на Шпанија.
Последниот обид на Мароко да го натера Јамал да игра за „Лавовите од Атлас“ се случи тој кога имаше 16 години. Тогаш одличниот фудбалер вечераше со селекторот Валид Реграги во ресторан во Барселона. Јамал веќе играше за јуниорските тимови на Шпанија, а кратко по средбата со Реграги доби покана за селекцијата А на Шпанија, со која ја освои титулата европски шампион во 2024 година.
