Барселона победнички помина на тешкото гостување во Билбао против Атлетик, победувајќи минимално со 1:0. Ламин Јамал во средината на второто полувреме го постигна единствениот гол, доволен за три бода на каталонскиот гигант. Со овој триумф Барселона повторно е на четири бода пред Реал Мадрид во трката за титулата.
По мечот, тренерот на Барселона ханси Флик беше задоволен од победата.
„Не е лесно да се игра тука и да се победи. Навистина се радувам на триумфот и посебно поради тоа што не примивме гол. Го игравме нашиот стил на игра и потоа одлично се браневме. Сите се браневме. Тоа што не примивме гол ни дава самодоверба и ја поддржува нашата филозофија“, вели Флик, а потоа потенцираше кои се фудбалерите кои се главни адути на Барселона.
„Го кажав ова и претходно, Педри ги прави сите да бидат подобри на теренот. Тој ја менува играта. Се поврзува многу добро. Олмо исто така играше подобро во второто полувреме. Но, важно е што сите се бореа како тим. Јамал не одигра најдобро што знае, но неговиот погодок го реши мечот. Сега имаме еден натпревар помалку и три бода повеќе“, задоволно коментираше тренерот на Барселона.
