Ламине Јамал следната сезона во дресот на Барселона ќе настапува со бројот 19 на грбот. На младата ѕвезда на шпанската репрезентација, која блесна на штотуку завршеното Европско првенство, ѝ било понудено да го земе дресот со број 10, но тој одбил.
Десетката на Барселона му припаѓа на Ансу Фати, кој се врати од позајмица и ќе добие шанса во составот на Ханси Флик, иако големи се шансите тој да си замине летово од „Камп ноу“. Фати важеше за наследник на Меси, но повредите го спречија во неговиот развој, а токму затоа Јамал не сакал да го носи дресот со број 10 од почит кон својот клупски колега.
Екипата на Фенербахче покажа интерес за ангажман на Ансу Фати, а ПСЖ е подготвен да го сруши рекордот од 222 милиони евра, кои ги плати за Нејмар, и нуди 250 милиони евра за 17-годишниот Ламине Јамал, понуда која веднаш беше одбиена од Барселона.
