Најдобриот млад фудбалер на светот, Ламин Јамал од Барелона, имаше феноменална 2024 година во која „експлодираше“ и се наметна како еден од најдобрите, а за 2025 година има амбициозни планови од типот освојување на Лигата на шампионите и шпанската лига, а сега на оваа листа додаде и повеќе постигнати голови.
„Во 2025 година сакам да напредувам во постигнувањето голови. Сакам да давам гол на секој натпревар. Со асистирањето многу добро ми одеше годинава, но морам да ја подобрам ефикасноста, тоа е мојот план“, изјави 17-годишниот Јамал.
