Барселона загуби со 0-2 на домашен терен од Атлетико Мадрид на првиот четвртфинален меч од Лигата на шампионите и е пред елиминација, но младата ѕвезда на „каталонците“, Ламин Јамал, верува дека може да направат чудо на реваншот.
„Навивачи на Барселона, се уште ништо не е готово. На реваншот ќе дадеме се од себе. Обединети како и секогаш.“ – гласи пораката на Јамал упатена кон навивачите на Барселона.
Барселона целото второ полувреме го играше со човек помалку на теренот, откако Кубарси беше исклучен во 44-тата минута, а Алварес погоди директно од слободниот удар за 0-1. Во вториот дел прецизен беше и Сорлот, а од каталонскиот табор за поразот го обвинија романскиот судија Иштван Ковач.
