Атланта хокс стави крај на победничката серија на Денвер нагетс од четири меча со победата од 125:121 во Колорадо. Јастребите благодарение на нивната прва ѕвезда Треј Јанг остварија изненадување на гостувањето, а бекот на Атланта беше незадржлив со 42 поени.
Јанг воедно запиша двоен учинок откако сервираше и 11 точни додавања, а до ефикасните 42 поени стигна со осумте реализирани тројки од вкупно 13 обиди. Во редовите на Денвер најефикасен беше Бартон со 21 поен, Јокиќ заврши со еден помалку.
https://www.youtube.com/watch?v=N2ZByqLkcb4
Со клучното забивање на 13 секунди до крајот на мечот, Џоел Ембид ја донесе седмата победа за Филаделфија севентисиксерс против Кливленд кавалирс со минимални 98:97. Камерунскиот центар во тесната пресметка ги постигна важните поени во моменти кога се кршеше резултатот.
Ембид средбата ја заврши со двоен учинок од 27 поени и 16 скока, што беше доволно да се совлада шампионот од 2016 година. Во редовите на Кливленд дури четворица играчи завршија најмалку со по 17 поени, Кларксон и Лав беа најефикасни со по 20 поени.
27 PTS | 16 REB | 4 AST | 2 BLK@JoelEmbiid dominates throughout and comes up clutch for the @sixers! #PhilaUnite pic.twitter.com/gBdSNfsSlG
— NBA (@NBA) November 13, 2019
ЛА лејкерс се врати во победнички ритам по гостувањето во Аризона, каде што го надигра тимот на Феникс санс со 123:115. Ентони Дејвис ги предводеше Езерџиите со дабл-дабл од 24 поени и 12 скока во осмиот овосезонски триумф, а клучна фигура беше и Кузма, кој заврши со еден поен помалку од својот соиграч.
И Џејмс беше двоцифрен во две статистики, постина 19 поени и додаде 11 топки, додека Букер со 21 поен се истакна како најрасположен играч од таборот на Феникс.
Kyle Kuzma (23 PTS) answers with back-to-back threes to extend the @Lakers lead late! #LakeShow
Watch Live: https://t.co/3bTQPOmwYk pic.twitter.com/RrNgVc2391
— NBA (@NBA) November 13, 2019
Останати резултати НБА:
Индијана пејсерс – Оклахома сити тандер 111:85, Мајами хит – Детроит пистонс 117:108, Чикаго булс – Њујорк никс 120:102, Јута џез – Бруклин нетс 119:114, Сакраменто кингс – Портланд трејлблејзерс 107:99.
