Карлос Алкараз триумфираше во едно од најневеројатните финалиња во историјата на гренслемите.
Во финалето кое траеше пет и пол часа, Алкараз со 6-4, 7-6, 4-6, 6-7, 6-7 го победи Јаник Синер.
Синер до финалето дојде без загубет сет, а денеска му заврши низата од 31 освоени сетови по ред на гренслемите (рекордер е Роџер Федерер со 36).
За Алкараз ова е петти освоен гренслем по ред, и уште нема пораз во финалињата, додека Синер првпат загуби гренслем финале.
Лани Алкараз во пет сета го совлада Синер во полуфиналето на „Ролан Гарос“, а истото се слули и сега за 8-4 во меѓусебните дуели против Шпанецот.
Алкараз има одличен скор од 13-1 во мечеви со пет сета, а Синер има 6-10.
Алкараз досега (на девет меча) никогаш немаше добиено меч на кој губел со 0-2 во сетови, а за Синер ова е трети пораз во меч на кој водел со 2-0. Губеше и од Карен Хачанов на САД опен 2020 година и од Новак Ѓоковиќ на Вимблдон во 2022.
Синер беше пред победа, во четвртиот сет при 5-3 и сервис на Алкараз, Синер испушти три меч топки, и тоа беше ветер со грб за Алкараз кој го зеде сетот и од 0-2 дојде до 2-2. Шпанецот беше во налет и веднаш направи брејк на стартот на петтиот сет.
Во петтиот сет, Алкараз ја имаше контролата, при водство од 5-4 имаше гејм на свој сервис, но не ја заврши работата. На крај се решаваше во супер тај-брејк во кој Алкараз поведе со 7-0 и конечно го комплетираше епскиот пресврт.
Победникот добива 2,55 милиони евра, додека поразениот финалист ќе заработи 1,27 милиони евра.
