Јапонскиот фудбалер Рео Хатате кој игра одлично во дресот на Селтик го изненади фудбалскиот свет откако неговиот начин на загревање пред меч, остана посебно впечатлив.
Никогаш порано не сме виделе нешто слично на неговата рутина за загревање, бидејќи пред да ја допре топката, Хатате го подготвува својот најважен адут во играта – својот вид. Ова едноставно визуелно загревање, кое се состои од менување на насоките, активира нервни патишта кои се одговорни за многу работи.
Со прво тренирање на очите, Хатате го подготвува својот мозок да обработува информации со брзината потребна за фудбалската игра. Резултатот е почисти допири, подобро позиционирање и посигурна игра.
Примерот на Хатате јасно ја покажува важноста на невролошките перформанси и докажува дека врвните перформанси бараат повеќе од само физичка доминација над противниците.
