Шкендија доживеа убедлив пораз од азербејџански Карабах и го заврши настапот во Лигата на шампионите, а тетовци сега го чекаат својот противник во плејофот од Лигата на Европа.
„Би сакал да му честитам на Карабах и на неговите навивачи. Карабах заслужи да победи, играа многу подобро од нас. Што се однесува до самиот натпревар, по резултатот од 1:5, искрено немам многу зборови. Игравме многу лошо во првото полувреме и примивме 4 гола. Од утре ќе го анализираме натпреварот и ќе се обидеме да најдеме мотивација за плејоф-рундата од Лигата на Европа. Му посакувам успех на Карабах“, рече тренерот на Шкендија, Јетон Беќири, по мечот против Карабах.
