Германскиот стратег Јирген Клоп конечно го прекина проклетството да губи во финалињата. Клоп имаше шест порази како тренер во меч за трофеј, но во саботата конечно се радуваше, и тоа на титула во Лигата на шампионите. Неговиот Ливерпул со 2:0 го победи Тотенхем и стигна до европскиот трон.
Клоп е докажан како тренер, но малкумина знаат дека тој и како играч имал блескави моменти. Најголемиот дел од кариерата го помина во Мајнц, каде што за 11 сезони одигра 325 мечеви, а даде 52 гола. Еден од тие 52 гола е вистинско ремек-дело, а еден од коментарите за погодокот на Клоп е дека тој играл подобро од сите негови играчи во финалето во Мадрид.
Klopp playing better than all his players did yesterday pic.twitter.com/288soUWRvc
— COCOA BUTTER BABY #EndBadGovernance (@E_nanya_O) June 2, 2019
