Кошаркарите на Денвер ја победија Оклахома сити со 119-107 и изборија „мајсторка“ за пласман во финалето на плејофот на Западната конференција во НБА-лигата.
Шестиот натпревар беше луд и полн со пресврти. Денвер имаше двоцифрена предност во првата четвртина, Оклахома во втората, а потоа пред самиот крај на третата четвртина Денвер повторно се одвои на плус десет и таа предност не ја испушти до крајот на натпреварот.
Гледавме уште еден одличен дуел на двајца кандидати за МВП наградата, која, од сè уште непознати причини, сè уште не е доделена.
Никола Јокиќ блескаше со 29 поени, 14 скокa и осум асистенции и беше испратен од теренот со извици од навивачите „МВП!“.
Српскиот кошаркар имаше одлична поддршка на теренот од Џамал Мари (25 поени, осум скокови и седум асистенции) и Кристијан Браун (23 поени, 11 скоka и пет асистенции).
Од другата страна, Шеј Гилџес-Александер постигна 32 поенa и шест асистенции.
Одлучувачкиот седми натпревар ќе се игра во Оклахома во недела, од 21:30 часот, а победникот ќе игра во финалето на Западната конференција против Минесота.
