Кошаркарската репрезентација на Србија дојде и до втората победа на Европското првенство, откако славеше со 80-69 над Португалија. Можеби се очекуваше поубедлива победа на Србите, кои се први фаворити за титулата, но селекторот Пешиќ успеа да ги сочува силите на своите кошаркари и да ги одмори.
Па така, Никола Јокиќ на паркетот мина само 22 минути и успеа да дојде до „дабл-дабл“ ефект. Центарот на Денвер пуфрли 23 поени, на кои додаде 10 скока и три асистенции.
Србија и Турција имаат максимални два од два во групата која се игра во Рига, по една победа имаат Португалија и Летонија, додека Чешка и Естонија загубија по два натпревари.
Репрезентацијата на Финска ја оправда фаворитската улога и убедливо славеше над Велика Британија со 109-79, со што дојде до максимални два од два и делба на врвот од табелата со Германија и Литванија.
