На српските кошаркарски репрезентативци им беше приреден дочек во Белград од бројни фанови по повод освоеното второ место на Светското првенство, а потоа тимот се упати во еден локал, каде што журката траеше до раните утрински часови.
За некого шок, за други нормална работа, таму се појави и најдобриот српски кошаркар, Никола Јокиќ, кој не играше на Мундобаскетот. Со него Србите можеби ќе беа шампиони, многумина му се лутеа, но во репрезентацијата сметаат дека најкорисниот играч во НБА е дел од тимот и можеби ова е најава дека Јокиќ ќе заигра следното лето на олимписките игри во Париз.
Освен Јокиќ, на забавата беа и Василије Мициќ, Бобан Марјановиќ и Немања Недовиќ. Србија со нив имала многу посилен тим отколку овој летово, кој и некомплетен направи голем успех.
На кошаркарите друштво им правеше и Новак Ѓоковиќ со сопругата, но на забавата доминираше Јокиќ, кој во еден момент се соблече гол од половина нагоре.
Jokić with his teammates from the national team having fun in Belgrade. Novak Djokovic is also there with them.#joker #nikola #jokic #denver #nuggets #milutinov #djokovic #belgrade pic.twitter.com/ilrnfANmOU
— архиватор (@_arhivator) September 13, 2023
