Никола Јокиќ продолжи да игра во маестрален стил во новата сезона во НБА-лигата и со 47 поени против Јута џез си го израмни личниот рекорд во НБА и беше лидер во победата од 127:118 на Денвер нагетс.
Популарниот Џокер постигна неверојатни 33 поени во првото полувреме и буквално правеше што сака на теренот. Погодуваше тројки, со неверојатна леснотија даваше кошеви од секоја позиција, собра и 11 скока, имаше и пет асистенции и одигра маестрална партија баскет против тимот што е во најдобра форма.
https://www.youtube.com/watch?v=pOvQwGIiEMg&feature=emb_logo
Јута пристигна во Денвер со најдолгата активна серија победи во НБА, Џезерите го очекуваа 12-тиот триумф, но доживеја нокаут, а походот од 11 меча на кои победуваа по ред им го сопре Јокиќ со помош на соиграчите.
Изненадување е и победата на Вашингтон визардс против Бруклин нетс со 149:146 во еден од најефикасните дуели сезонава.
Расел Вестбрук со 41 поен, 10 скока и 8 асистенции ја одигра најдобрата партија откако пристигна во тимот на Вашингтон, а Бредли Бил беше стандардно ефикасен и уфрли 37 поени, колку што имаше и Кевин Дурант во поразениот тим.
Херис постигна 30 поени, Кајри Ирвинг даде 26, но и тоа заедно со учинокот на Дурант не беше доволно за победа на фаворитот.
Резултати: Денвер – Јута 128:117, Вашингтон – Бруклин 149:146, Индијана – Филаделфија 110:119, Торонто – Орландо 115:102, Минесота – Кливленд 109:104.
