Српската кошаркарска репрезентација, и покрај заморот од синоќешниот дуел со Португалија и без повредениот Богдан Бодгановиќ, стигна до победа над Летонија со 80-84 во „Рига Арена“. Никола Јокиќ ја предводеше Србија на овој меч со 39 поени, додека Петрушев додаде 12.
Летонците се доближија на -4 во завршницата, но Јокиќ со клучна тројка го обезбеди триумфот.
Кај домаќините се истакнаа Давид Бертанс (16) и Порзингис (17). Со три победи, Србија веќе има обезбедено место во следната фаза и ќе одлучува за првото место во групата во дуелот со Турција.
Франција ја победи Словенија со 103-95, откако ја доби последната четвртина со 35-25. Лука Дончиќ постигна 39 поени, но немаше поддршка од своите колеги во националниот тим на Словенија. Силван Франсиско беше стрелец на 32 поени кај Французите. На крајот се случи и инцидент, па имаше и исклучувачки грешки за кошаркари на двете селекции.
Во друг натпревар од турнирот, Грција лесно го совлада Кипар со 69-96.
