Никола Јокиќ продолжува да воодушевува во НБА лигата. Српскиот центар одигра речиси безгрешен меч предводејќи го Денвер до победа над Бруклин од 108:102. Од самиот старт Денвер го контролираше резултатот, па на полувреме водеше со 15 разлика (63:48).
Оваа разлика се зголеми, па по завршување на третата четвртина беше 91:71 за Денвер. Тренерот на Мајкл Мелоун потоа реши да го седне на клупа најдобрите играчи на Денвер, но резервистите едноставно не ја завршија работата како што требаше. Бруклин намали на 93:100, па во игра мораше да се вратат најдобрите кошаркари.
Јокиќ повторно ја превзема контролата во свои раце, а на крајот заврши со трипл-дабл од 22 поени, 17 скока и 10 асистенции. Србинот беше речиси безгрешен во шутот и ги погоди сите четири слободни фрлања, а од игра погоди девет од 12 обиди.
https://twitter.com/i/status/1637568263000399875
Во мечевите кои се одиграа вечерва, Оклахома го победи Феникс со 124:120, а Сан Антонио беше подобар од Атланта со 126:118.
