Никола Јокиќ одигра скромен натпревар според неговите стандарди, постигнувајќи „само“ 16 поени, седум скока и две асистенции во убедливата победа на Денвер нагетс против ЛА клиперс со 120-98.
Најпродуктивен играч кај Денвер беше Џамал Мареј со 20 поени, додека во редовите на ЛА клиперс, Норман Пауел и Кевин Портер Џуниор постигнаа по 16 поени.
Феникс санс славеше на гости против Јута џез со 126-134. Во победата на Санс блескаше Девин Букер со 34 поени и осум асистенции, а Кевин Дурент постигна 30 поени и исто така имаше осум асистенции. Кај Јута, најдобар беше Џордан Кларксон со 23 поени.
Босанскиот кошаркар Јусуф Нуркиќ се врати на паркетот по двонеделна пауза поради повреда и имаше ефект од 12 поени, седум скока и три блокади.
Кливленд стигна до триумф против Вашингтон, а поентерски се истакна Дариус Гарланд кој уфрли 24 кошеви.
Резултати: Филаделфија – Индијана 107-121, Кливленд – Вашингтон 115-105, Чикаго – Шарлот 109-95, Мемфис – Бруклин 135-119, Минесота – ЛА Лејкерс 97-87, Денвер – ЛА Клиперс 120-98, Јута – Феникс 126-134, Портланд – Сан Антонио 116-118.
