Неколку часа пред почетокот на мечот меѓу Њу Орлеанс, навивачите на Денвер беа уплашени дека Никола Јокиќ може да го пропушти натпреварот поради повреда на раката. Сепак, Јокиќ не само што играше, туку беше и незадржлив.
Србинот на крајот заврши со 35 поени, 14 скока и 12 асистенции, со што дојде до 108 трипл-дабл во кариерата. Со овој трипл-дабл, Јокиќ ги надмина Леброн Џејмс и Џејсон Кид на вечната листа и сега има само тројца кошаркари во историјата со повеќе трипл-дабл учиноци од центарот на Денвер. Пред него се само рекордерот Расел Вестбрук (198), потоа Оскар Робертсон (181) и Меџик Џонсон (138).
Congrats to Nikola Jokic of the @nuggets for moving to 4th all-time in regular season triple-doubles! pic.twitter.com/15OtsYSlC9
— NBA (@NBA) November 7, 2023
Втората балканска суперѕвезда во НБА, Лука Дончиќ, имаше драматичен меч. Немаше многу возбудувања околу конечниот резултат бидејќи Лука со Далас победи убедливо со 117:102 против Орландо, но Словенецот во еден момент беше под потенцијална можност да има потрес на мозокот.
Во третата четвртина, Дончиќ во еден напад се лизна и падна, а со главата удри директно во коленото на противничкиот играч. Словенецот излезе од игра за да му биде направен тест за можен потрес на мозокот.
Luka Doncic immediately enters concussion protocol after his head landed on Goga Bitadze’s leg. Magic fans can be heard yelling, “refs you suck.” pic.twitter.com/yGUVLCk3jY
— Oscar Creed (@themagicreport) November 7, 2023
Кога беше потврдено дека нема ништо опасно, Дончиќ се врати на теренот и одигра фантастична последна четвртина во која постигна 12 од неговите 29 поени на оваа средба.
Резултати: Детроит – Голден Стејт 109:120, Индијана – Сан Антонио 152:111, Орландо – Далас 102:117, Филаделфија – Вашингтон 146:128, Бруклин – Милвоки 125:129, Мајами – Лос Анџелес лејкерс 108:107, Њујорк – ЛА клиперс 111:97, Чикаго – Јута 130:113, Хјустон – Сакраменто 122:97, 114:109, Оклахома – Аталанта 126:117, Денвер – Њу Орлеанс 134:116.
