Актуелниот НБА-првак, Денвер нагерс го претрпе вториот пораз сезонава откако на гостувањето кај Хјустон, резултатот на крајот беше 107:104 во корист на домаќините. И покрај поразот на Денвер, повторно главна приказна е Никола Јокиќ. Српскиот центар одигра феноменален меч и на крајот заврши со, како што велат Американците, „монструозен трипл-дабл“.
Тоа се оние натпревари на коишто кошаркарот има 35+ поени, 20+ скока и 10+ асистенции. Јокиќ на крајот имаше 36 поени, 21 скок и 11 асистенции. Ова е трет ат во кариерта Србинот да има ваков неверојатен биланс и се израмни со Елгин Бејлор, оставајќи ги зад себе Оскар Робертсон и Карим Абдул-Џабар. Пред Јокиќ сега е само Вилт Чемберлен со 11 такви меча.
Колку за споредба, во последните 10 години во НБА сите останати играчи заедно немаат одиграни три средби со вакви бројки.
Nikola Jokic has tied Elgin Baylor for the 2nd most games of 35+ points, 20+ rebounds, and 10+ assists:
Wilt Chamberlain: 11 Games
Elgin Baylor: 3 Games
Nikola Jokic: 3 Games
Oscar Robertson: 2 Games
Kareem Abdul-Jabbar: 2 Games https://t.co/Pr1Y3u3jms— NBA History (@NBAHistory) November 13, 2023
Ова е и 10-ти натпревар во кариерата на Јокиќ на кој има 35+ поени, 15+ скока и 10+ асистенции и е само трет кошаркар во историјата на НБА со двоцифрен број мечеви со такви бројки зад себе. Пред него единствено се Оскар Робертсон со 29 меча со таков скор и Вилт Челберлен со 20 натпревари.
The Joker tallied a TRIPLE-DOUBLE in a tough loss in Houston 🃏
36 PTS
21 REB
11 AST pic.twitter.com/pnM4sMILOg— NBA (@NBA) November 13, 2023
Резултати од ноќеска одиграните натпревари во НБА: Филаделфија – Индијана 137:126, Чикаго – Детроит 119:108, Њу Орлеанс – Далас 124:136, Сан Антонио – Мајами 113:118, Феникс – Оклахома 99:111, Голден стејт – Минесота 110:116, ЛА лејкерс – Портланд 116:110.
