ДомаКошарка
КошаркаНБА

Јокиќ со потег кој ги изненади сите: „Тој е најпаметниот човек во НБА“ (Видео)

Трајан Маневски
Трајан Маневски
1294

Никола Јокиќ одигра уште еден одличен меч, а неговиот Денвер лесно победи. Нагетс на свој терен славеше над Јута џез со 129:103, а Јокиќ имаше биланс од 27 поени, 16 скока и девет асистенции. Сите во салата, но и оние кои го следеа мечот посебно се воодушевија од една асистенција на Србинот.

Јокиќ се подготвуваше да изведе топка од аут од својата половина, но го забележа соиграчот како е слободен за шут за три и упати долго додавање за лесна тројка. По ова додавање, коментаторот дојде до заклучок велејќи „Јокиќ, најпаметниот човек во НБА лигата“.

Кливленд продолжува со перфектниот старт, откако во неизвесен меч, со кош во последната секунда го победи Милвоки со 114:113. За Кливленд ова е седма победа во исто толку мечеви, а херој беше Донован Мичел кој ги даде поените за победа. За Милвоки ова беше петти пораз во низа.

Во останатите мечеви кои се играа ноќеска: Филаделфија – Мемфис 107:124, Торонто – Сакраменто 131:128 по продолжение, Хјустон – Голден Стејт 121:127 по продолжение, Сан Антонио – Минесота 113:103, Вашингтон – Мајами 98:118, Феникс – Портланд 103:97, ЛА клиперс – Оклахома 92:105.

- Оглас -

Најнови вести

Вчитај повеќе

Спорт Манија е портал наменет за љубителите на спортот кој почна со работа на 14 септември 2018 година.

Контакт: contact@sportmanija.mk