На Атлетико Мадрид доволно му беше да постигне еден гол за да стигне до трите бода на тешкото гостување во Билбао против Атлетик. Антоан Гризман беше стрелец на погодокот вреден победа за гостите и тоа на почетокот од второто полувреме, односно во 47 минута.
Интересно е дека шутот по кој Гризман погоди беше и единствен прецизно упатен удар на гостите кон голот на Атлетик Билбао. За Гризман ова беше јубилеен 100-ти погодок во дресот на Атлетико на дуели во шпанското првенство. Тој е само шестиот играч во клупската историја со троцифрен број погодоци во домашниот шампионат.
Со оваа победа Атлетико стигна до 19 бодови и сега е веднаш зад водечкиот двоец Барселона и Реал Мадрид кои имаат по 22 бодови и сега ги чека меѓусебниот дуел, односно Ел Класико.
