Манчестер јунајтед пред 18 месеци за сума од 50 милиони евра го купи Мануел Угарте од ПСЖ, но Уругваецот речиси и да не покажа ништо на „Олд Трафорд“. Затоа сега размислувањата се како да се ослободат од него, а својата шанса ја чека лидерот во турското првенство, Галатасарај.
Турците му нудат на Манчестер јунајтед позајмица до крајот на сезоната, но и откуп на неговиот договор налето за сума од 20 милиони евра.
Сепак, од Галатасарај ќе треба да го убедат и Уругваецот да се пресели крај Босфорот, а во тоа ќе има голема улога и неговиот сонародник, Лукас Тореира, кој веќе игра во гигантот од Истанбул.
Угарте оваа сезона собра само 12 настапи за Манчестер јунајтед, а со евентуалната преселба во Галатасарај ќе има можност да игра во Лигата на шампионите, но и да ја мине групната фаза.
