Серијата од седум натпревари без пораз во сите натпреварувања за Манчестер јунајтед заврши на гостувањето кај Нотингем. Шумарите вторпат сезонава ги победија Црвените ѓаволи и за разлика од ефикасните 2-3 на „Олд Трафорд“, пред својата публика се радуваа со минимални 1-0.
Единствениот гол на мечот беше дело на шведскиот интернационалец Ентони Еланга уште во петтата минута, откако самиот истрча контра од својот шеснаесетник до противничкиот гол и го совлада Онана.
Видео плејер
00:00
00:00
Нотингам форест со оваа победа се зацврсти на третата позиција со 57 поени, четири помалку од второпласираниот Арсенал, и цврсто чекори кон место во групната фаза на Лигата на шампионите, додека Манчестер јунајтед останува на 13-тата позиција со 37 бода.
