Големо олеснување за екипата на Лече претставува информацијата дека на утрешниот натпревар од Серија А против Јувентус, нема да имаат потреба да се грижат како ќе се одбранат од Кристијано Роналдо. Португалецот доби одмор и нема да биде во составот на „старата дама“. Во аут кај првакот ќе бидат и Арон Рамзи и Даглас Коста, се очекува стартер во средниот ред да биде Рабио, а во нападот ќе игра Игуаин, со поддршка од Бернардески и Дибала.
Централниот дефанзивец Џорџо Кјелини, искажа многу пофални зборови за Роналдо, а посебно е воодушевен од желбата за натпреварување, физичката подготвеност и победничкиот карактер на Португалецот.
„Тој се што прави, го прави внимателно и со однапред поставен план. Тој има 34 години, а кај него уште има желба да напредува. Тоа е нешто што секој треба да го научи од него. На терен, тој е како хиена. Неговото играње во Јувентус е во интерес на двете страни, и за клубот и за него лично. Тој е роден победник“ – вели Кјелини кој во август ги скина лигаментите, а планира да игра уште две години, пред да се пензионира како играч и да се пресели во канцелариите.
