Екипата на Јувентус останува единствен тим без пораз во Серија А, откако на гостински терен кај Удинезе славеше со 2:0. Со овој триумф, Старата дама стигна до 21 бодови и сега е на третото место, веднаш зад водечкиот двоец Наполи и Интер. Удинезе остана на 16 бодови.
Уште во првото полувреме беа решени сите дилеми околу победникот, кога голманот Мадука Окоје си постигна автогол во 19 минута. Ова беше еден од најбизарните автоголови на голман. Топката удри во стативата, се одби скроз на спротивната страна каде беше Окоје и откако се одби од неговaта нога и заврши во мрежата. Овој автогол може да го видите ТУКА.
Во 37 минута веќе беше 2:0 за гостите, кога Савона донесе нова радост за Јувентус и тој погодок може да го видите ТУКА.
Во второто полувреме Јувентус рутински ја имаше контролата на топката и не дозволи на домаќините да се понадеваат дека може да се спасат од пораз.
