Јувентус вчера не донесе конечна одлука околу иднината на соработката со тренерот Масимилијано Алегри, но тоа може да се случи во текот на денешниот ден, кога ќе продолжат разговорите помеѓу тренерот и раководството на клубот.
Проблемот на Јуве е што сака да го откачи Алегри, но не знае кого да постави на негово место. Гвардиола и Зидан се зафатени, Конте се чини е договорен со Интер. В недела „старата дама“ се среќава со Аталанта и ја подготвува својата шампионска прослава на новото Скудето и потоа би можела да дојде и официјализација на разделбата со Алегри, кој им донесе слава во Италија, но не и во Европа.
На тренинг на Јуве се појави Доменико Тедеско, италијанско-германски тренер кој го има водено Шалке, а беше отпуштен во март откако германскиот тим испадна од Манчестер сити во Лигата на шампионите. За угледниот и добро упатен новинар Џанлука ди Марцио тоа е знак дека нешто се подготвува во Јувентус. Дали е случајна посета или и Тедеско е кандидат за наследник на Алегри, ќе се види во блиска иднина.
