Луис Муриел, напаѓачот на Аталанта, се сели во Јувентус, објавија италијанските медиуми со дополнителна информација дека раководството на Старата дама сака да го купи и Саул Нигез.
Муриел со години е еден од најдобрите напаѓачи во Италија, а Јувентус би го чинел отштета од 12 до 15 милиони евра.
Колумбиецот наеднаш изби во прв план кај Јувентус, откако не беа конкретни обидите да се врати Алваро Мората и да пристигне Тимо Вернер.
Според челниците на Јуве, Муриел би бил одлична опција за тандем со Душан Влаховиќ во нападот на најтрофејниот италијански клуб.
Нигез би бил купен со јасна причина, да го замени Пол Погба, кој се врати во Јуве, но се повреди и ќе паузира најмалку два месеца, односно сигурно нема да игра до откомври.
Нигес е член на Атлетико Мадрид од 2012 година, а ланската сезона ја мина на позајмица во Челзи и одигра малку натпревари, само 10, што е скромен ефект за шпанскиот репрезентативец.
