Италијанскиот гигант Јувентус се договори во своите редови да го доведе Филип Костиќ од Ајнтрахт Франкфурт. Германскиот тим се согласил да го продаде својот најдобар играч од минатата сезона и тоа за сума од 16 милиони евра, плус бонусите.
Костиќ не отпатува со Ајнтрахт во Хелсинки каде утре ги очекува дуел од Суперкупот на УЕФА против Реал Мадрид. За српскиот репрезентативец кој игра на средината од теренот, интерес покажа и Вест хем, но Костиќ реши кариерата да ја продолжи во Јувентус.
Србинот ќе биде четврто засилување на Јувентус во овој преоден рок, откако претходно дресот на Старата дама го облекоа Пол Погба, Анхел Ди Марија и Желсон Бремер.
