Јувентус се зацврсти на врвот на табелата во Италија со победа од 3:0 против Сасуоло, а истото со нов погодок го стори и Кристијано Роналдо. Тој беше стрелец на вториот погодок и сега со вкупно 18 голови е на чело на листата со најдобри стрелци.
Пред Роналдо погоди Кедира, а голот за печат на победата го постигна Емре Џан. На 15 кола до крајот на италијанскиот шампионат Јувентус со 63 бодови е убедливо прв, пред Наполи со 52. Тоа се двата најголеми конкуренти за титулата во Калчото.
Сасуоло остана на 11. позиција со 30 бодови.
Во ист термин, вечерва од 18 часот, во дербито на екипите кои се борат за опстанок во Бундеслигата, Фортуна во Диселдорф го декласира Штутгарт со 3:0.
Караман, Финк и Раман беа стрелци на головите за домашниот тим, кој сега има 25 бода, што е 10 плус во однос на Штутгарт, кој е во опасната зона за испаѓање.
