Јувентус го претстави својот домашен дрес за следната сезона. Тој е во традиционалните црно-бели линии, но изненадување се розовите детали во логото на „Адидас“, клупскиот амблем и трите линии на ракавите. Голманскиот дрес е црн, при што розовите детали се заменети со златни.
View this post on Instagram
„Новиот дрес ја отелотворува суштината на идентитетот на Бјанконерите, оддавајќи почит на богатата историја и младешкиот дух што го дефинира тимот. Класичните црно-бели структурални линии се прикажани во смел нов дизајн, инспириран од естетиката на италијанската мода“, напишаа од клубот.
View this post on Instagram
За изработката на дресовите се користени напредни материјали за да се овозможи максимална пропустливост и апсорпција на влага. Вреди да се спомене и враќањето на јаката од типот „Тимгајст“, која првпат беше претставена на Светското првенство во фудбал во 2006 година.
