Раководството на Јувентус е решено да го продолжи договорот на Кенан Јилдиз до 2031 година. Актуелниот договор на талентираниот турски фудбалер истекува во 2029 година, но Бјанконерите сакаат да го обврзат за подолг период и истовремено да му покажат дека е високо ценет.
Според „Тутоспорт“, раководството на торинскиот клуб одлучило да ја подобри понудата што му ја упатило на Јилдиз пред неколку недели. Претходната понуда изнесувала 4,5 милиони евра годишно, но на наредната средба со таткото на Јилдиз, Енгин, која ќе се одржи на почетокот на јануари, платата ќе биде зголемена на 6 милиони евра.
Со тоа италијанскиот клуб ќе се обиде да го спречи интересот од Реал Мадрид, Арсенал, Ливерпул и Челзи.
Кенан Јилдиз постигна три гола и една асистенција во седум натпревари во Серија А откако Лучијано Спалети го презеде кормилото на Јувентус. Вкупно од почетокот на сезоната, тој има седум погодоци за гигантот од Торино.
