Јувентус реши да го откупи договорот на Вестон Мекени од Шалке, кој сезонава игра како позајмен играч во редовите на италијанскиот првак. Играчот за врска се наметна со своите игри и тоа е доволно за челниците на Старата дама да ја активираат клаузулата вредна 18,5 милиони евра.
Младиот 22-годишен Мекени одлично се снајде во средниот ред на Јувентус и сезонава во 29 меча има пет голови и две асистенции. одигра вкушно 1663 минути.
Според проценките, вредноста на Мекени во моментов е околу 25 милиони евра, а Јувентус ќе го купи за 18,5 милиони евра. Шалке сезонава игра очајно и е убедливо најслаб тим во Бундеслигата со само девет освоени бода од 23 кола. Освен играчката криза, Шалке е и во финансиска криза, па сигурно ќе мора да го продаде Мекени.
