Екипата на Јувентус се наоѓа на еден бод од освојување на нова шампионска титула во италијанската Серија А. На седум кола до крајот, предноста во однос на Наполи е 20 бода и по сè изгледа тимот од Торино веќе наредниот викенд ќе го обезбеди своето ново Скудето.
Математиката е јасна. Бидејќи „старата дама“ е подобра од Наполи и во меѓусебните дуели, на Јуве на гостувањето кај СПАЛ во Ферара следната сабота од 15 часот доволен ќе му биде и еден бод, а дури и со пораз може да стане првак во недела вечерта. Комбинацијата од пораз на Јуве и кикс на Наполи (пораз или нерешено) против Киево исттака значи титула за составот на тренерот Масимилијано Алегри.
Јуве нема да биде првак следниот викенд само ако загуби од СПАЛ, а Наполи го совлада Киево. Сите други комбинации се добитни за „бјанконерите“. Ако се случи чудо и Јувентус не ја освои титулата во следното коло, тогаш му останува колото по две недели, кога на свој терен игра со Фиорентина, па пред своите фанови да го прослави трофејот.
