Јувентус сè уште има доверба во тренерот Тијаго Мота и покрај вториот последовен тежок пораз, изјави спортскиот директор на клубот, Кристијано Џунтоли.
По убедливиот пораз (0-4) од Аталанта на домашен терен минатиот викенд, Јувентус загуби и на гостувањето кај Фиорентина со 3-0, што го остави тимот на Мота на петтата позиција во Серија А, зголемувајќи го притисокот врз него.
„Во вакви моменти, сите мора да останеме обединети и заедно да излеземе од тешката ситуација“, изјави Џунтоли за „Скај Италија“.
„Многу жалиме, оваа сезона имавме подеми и падови, но никогаш не сме одиграле два натпревари толку под нашето ниво. Сепак, веруваме дека можеме да излеземе од ова како тим.“
На прашањето дали Јувентус ќе продолжи со Мота како тренер, Џунтоли одговори:
„Се разбира. Започнавме нов проект, поминавме низ предизвици, вклучително и намалување на платите, и не треба да размислуваме за ништо друго освен за нашата главна цел – пласман во Лигата на шампионите.“
