Столбот на одбраната на Јувентус, Џорџо Кјелини, е неизвесен за настап на утрешниот дуел со Ајакс, прв од четвртфиналниот двомеч во Лигата на шампионите.
Кјелини, кој е капитен на Јувентус, се пожалил на проблеми со мускулот на ногата, односно познатата повреда на листот на ногата, и не се знае дали ќе биде во комбинација за место во стартниот состав на гостите.
„Старата дама“ има многу неочекувани проблеми пред дуелот на „Амстердам арената“, а редум се повредуваа Кристијано Роналдо, Спинацола, Џан и сега Кјелини. Ако не може да игра Кјелини, веројатно ќе го замени Ругани, а во таборот на италијанскиот шампион сепак најголема грижа носи неизвесноста околу настапот на Роналдо.
Оптимизам постои и Португалецот има големи шанси да истрча на „Амстердам арената“ од почеток, што е многу важно за Јуве, ако се знае дека Роналдо е во извонредна форма и е прв стрелец на клубот од Торино.
