Јувентус очекува службена победа од 3:0 против Наполи откако гостите воопшто и не допатуваа на „Алијанс арената“ во Торино.
Имаше информација дека мечот е одложен бидејќи регионалната комисија за здравство не му дозволи на Наполи да отпатува за Торино по двата случаи на заразени играчи кај Наполитанците, меѓу кои е и Елиф Елмас, заедно со Пјотр Зјелински.
Сепак, Фудбалската федерација на Италија, ФИГЦ, објави дека тие не го одложиле мечот. Играчите на Јувентус беа на теренот во Торино, дури и објавија и состав за мечот против Наполи, а навивачите на противничкиот тим со пароли во својот град им одговорија.
Il #Napoli non parte per Torino, la #Juventus si presenta come da programma allo Stadium [@NicolaBalice] #JuventusNapoli pic.twitter.com/SG5hYWkMmZ
— calciomercato.com (@cmdotcom) October 4, 2020
„Вие сте вирусот во италијанскиот фудбал“, пишува на една од паролите во Неапол. Комплетниот калабалак настана бидејќи не се знае чија е одговорноста за неодигрувањето на дербито.
Според правилата на ФИГЦ кои ги прифатија сите клубови во Серија А, за да се одигра натпревар во услови на пандемијата со ковид-19, треба да се има најмалку 13мина здрави играчи, услов што го исполнува и Наполи.
Но, не е предвидено како може да се игнорира забрана на здравствените власти, каква што имаше во регионот Кампања, за патување надвор од областа.
Јувентус сега очекува одлука од ФИГЦ за службена победа од 3:0 откако гостите воопшто и не допатуваа во Торино.
