Јувентус има планови до крајот на овој преоден рок да го доведе Мемфис Депај од Барселона. Холандскиот репрезентативец падна во втор план во каталонскиот гигант откако на „Камп ноу“ летово пристигнаа Роберт Левандовски и Рафиња.
Токму Левандовски и Рафиња се главните засилувања за Барселона и тие треба да бидат ударната игла во нападот за новата сезона. Во една таква ситуација Депај ќе има помала минутажа, што секако не сака.
Депај пристигна во Барселона пред една година од тимот на Лион и во дебитантската сезона постигна 12 погодоци во Примера дивисион. Освен Јувентус, за Депај се интересираат и Лидс, Њукасл, а се споменува и Манчестер јунајтед.
